Lirik Lagu Karo Nartar Mutikna

UNTUK DOWNLOAD SETIAP LAGU SILAHKAN KLIK DISINI

mbincar bungana rimo ijuma
ertahun-tahun mupuksa
bas sada wari udan ras baho
nartar kerina ras mutikna

pas kel bagi si kunanami
sirang alu terpaksa
lanai gunana kune pumahi
getem nari nge ngenca

pekuhi nanam nge ngenca
bage sere bas belanga
ras panganen i serapken
lanai bo turah pagi suanken

pas bagi ateku ngena
enggo keri kepeken buangken
lanai lit dalan ersada
nambah cedana nge ngenca
oh mama itingku

apai dagena kami sibujur
maka lalit ingan iluhku mambur
apai dage kena si mbegi
gelah kuturiken kerina ate mesui

melala kuida cakap man beginken ma iting
lakinlah ban enggo aku tading
lolo tegun la erkesehen mesayang
mampa nahe lalit tujunna