Sora Mido Ido

UNTUK DOWNLOAD SETIAP LAGU SILAHKAN KLIK DISINI

terbegi sora bulung-bulung erdeso
i babo makam pahlawan si lino
bagina sora serko medodo
cawir-cere sorana mido-ido

terawih dipul meseng kutanta ndube
iluh si lumang ras balu-balu erdire-dire
sora ndehereng merdeka ndube
kinata ngayak merdeka ndube

makana tangarlah si nggelem layar-layar
ula kal merangap ula dage jagar-jagar
kesah ras dareh ndube tukurna merdeka enda
ula kal lasam kahul bangsanta

enggom megara lawit ban dareh simbisanta
enggom megersing paya ban iluh tangista
enggom megelap langit ban cimber meseng kuta
ngayak-ngayak merdeka kal kita

tegu me dage temanta si enggo cempang
didong kal dage anak-anak tading melumang
keleng ate ras dame si sada karang
e me pertangisen kalak si erjuang

terbegi sora bulung-bulung erdeso
i babo makam pahlawan si lino
bagina sora serko medodo
cawir sorana mido-ido

Download Lagu karo Sora Mido ido - Alasen Barus & Juliana Br Tarigan.mp3